मुम्बई – केन्द्रीय जाँच ब्यूरो (सीआइबी) को विशेष टिमले सुशान्त सिंह राजपूत आत्महत्या प्रकरणबारे सबै कोणबाट जाँच गरिररहेको छ ।

लामो समय भइसक्दा पनि सुशान्तको आत्महत्याको कारण खुल्न सकेको छैन । यस घटनासँग जोडिएका घटनाका बारेमा दैनिक समाचार आइरहेका छन् ।

यसैबीच सुशान्तको परिवारको केश हेरिरहेका विकास सिंहले रिया चक्रवर्तीमाथि आरोप लगाएका छन् । उनले रियाले दोहोरो भूमिका खेलेको आरोप लगाउँदै सुशान्तको परिवारलाई कहिल्यै सहयोग नगरेको बताएका छन् ।

अधिवक्ता विकास सिंहले भने, ‘रियाको परिवारले कुनै सहयोग गरेन, जब ठूलो दुर्घटना भएको थियो, उनले परिवारप्रति समवेदना पनि प्रकट गरेकी थिइनन् ।’

सीबीआई जाँचको माग उठ्दा पनि रियाले विरोध जनाएकी थिइन् । ती अधिवक्ताले सुप्रिय कोर्टबाट आफ्नो याचिका फिर्ता लिन पनि भनेका छन् ।

सुशान्तले गत १४ जुनमा बान्द्रास्थित फ्ल्याटमा मृत भेटिएका थिए । परिवारले उनको हत्या भएको हुनसक्ने भन्दै आवाज उठाएको थियो ।

पछि सुशान्तका बुबाले रियाविरुद्ध बिहार प्रहरीमा उजुरी दिएका थिए । यो घटनामा सीबीआईले अनुसन्धान गरिरहेको छ ।