काठमाडौँ – सत्तारुढ नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल (प्रचण्ड)को छलफल सकिएको छ ।
करिव २ घण्टा भएको छलफलमा अध्यक्षद्वय यही भदौ १३ गते बिहान ११ बजे सचिवालय बैठक राख्न सहमत भएको प्रचण्डका प्रेस संयोजक विष्णु सापकोटाले जानकारी दिए ।
उक्त बैठकमा पार्टीको आन्तरिक विवाद समाधान गर्नका लागि सुझाव दिन गठीत कार्यदलले बुझाएको प्रतिवेदनमा छलफल हुने बताइएको छ ।
नेकपाभित्र नेताहरूबीच शक्ति संघर्ष चुलिएपछि पार्टी विवाद समाधान गर्न भन्दै विष्णु पौडेलको संयोजकत्वमा कार्यदल बनेको थियो । उक्त कार्यदलले प्रतिबदेन बुझाएपछि त्यसलाई सचिवालयमा छलफल गर्न लागिएको हो ।
प्रतिक्रिया