काठमाडौं- रियलमीले अहिलेसम्मकै सबैभन्दा शक्तिशाली इन्ट्री लेबल स्मार्टफोन ‘रियलमी सी ३’ सार्वजनिक गरेको छ ।

यो स्मार्ट फोन रियलमीको इन्ट्री लेबल अल राउन्डर सी सिरिजको नयाँ फोन भएको कम्पनीले बताएको छ । यो फोनको प्रदर्शन, ब्याट्री, डिस्प्ले र क्यामेरालाई निकै अब्बल मानिएको कम्पनीको भनाइ छ ।

रियालमी सी३ मा ३ जीबी ¥याम र ३२ जीबी स्टोरेज छ । रू. १६ हजार ९९० रूपैयाँमा उपलब्ध हुने यो फोन ब्लेजिङ रेड र फ्रोजन ब्लू रङमा उपलब्ध हुने कम्पनीले बताएको छ । देशभरका सबै अफलाइन आउटलेटहरुमा बुधवारबाटै यो फोन उपलब्ध गराइएको कम्पनीले जानकारी दिएको छ ।

ट्रिपल क्यामेरा गेम मोनिस्टर–रियलमी सी३ मा मिडियाटेक हेलियो जी७० प्रोसेसर छ, जसले दुवै मुख्यधार प्रयोगकर्ता र गेमर्सका लागि शक्तिशाली र द्रुत प्रदर्शन सुनिश्चित गर्ने यो फोनको प्रयोगकर्ता विश्वभर १ करोड रहेको कम्पनीको दाबी छ ।

रियलमी सी३ मा ठूलो ५००० एमएएच ब्याट्री छ । रियलमी यूआईका साथ एन्ड्रोइड १० मा आधारित पहिलो स्मार्ट फोन भएको कम्पनीको भनाइ छ ।