मुम्बई – भारतीय अभिनेता सुशान्त सिंह राजपूतले आफ्नै घरमा झुण्डिएर आत्महत्या गरेपछि बलिउडमा ‘नेपोटिज्म’ लाई लिएर बहस शुरु भएको छ ।

केही सेलिब्रेटी र साथीहरुले सुशान्तको आत्महत्या नभएर हत्या भएको टिप्पणी गरेपछि नेपोटिज्मको बहस बलिउडमा चर्किएको थियो ।

उनी गत जुन १४ मा घरमा झुण्डिएर आत्महत्या गरेका थिए । उनको यो असामयिक निधनको फ्यानले सहजै स्वीकार गर्न सकेका थिएनन् ।

निधन भएको ११ औं दिनमा सुशान्तको पोष्टमार्टम रिपोर्ट सार्वजनिक भएको छ ।

रिपोर्टमा सुशान्तले झुण्डिएर आत्महत्या गरेको बताइएको छ । भारतीय मिडियाका अनुसार सुशान्त झुण्डिएपछि सास फेर्न गाह्रो भएर ज्यान गएको हो ।

मिडियाले पोष्टमार्टममा ५ जना डाक्टर सहभागी भएको बताएका छन् । सुशान्तको निधनपछि प्रहरीले उनको परिवार, साथीहरु, घरमा काम गर्ने स्टाफ, प्रेमिका, म्यानेजर लगायतसँग बयान लिएको थियो ।