काठमाडौं – प्रधानमन्त्री केपी शर्मा ओलीले आज देशबासीका नाममा सम्बोधन गर्ने भएका छन् ।
प्रधानमन्त्रीका प्रेस सल्लाहकार सूर्य थापाका अनुसार आज बेलुका साढे ५ बजे प्रधानमन्त्री केपी शर्मा ओलीले राष्ट्रका नाममा सम्बोधन गर्न लागेका हुन् ।
त्यसअघि बेलुका ५ बजे मन्त्रिपरिषद बैठक बोलाइएको छ ।
मन्त्रिपरिषद बैठकमा बजेट, एमसीसी परियोजन लगायतका विषयमा छलफल हुनेछ । त्यस्तै विदेशमा अलपत्र परेका नेपालीलाई स्वदेश फर्काउने विषयमा पनि छलफल हुने बुझिएको छ ।
मन्त्रिपरिषद् बैठक सकिएपछि प्रधानमन्त्री ओलीले देशबासीका नाममा सम्बोधन गर्ने थापाले बताए ।
प्रतिक्रिया