काठमाडौं – इजरायली प्रधानमन्त्री बेन्जामिन नेतन्याहुमाथि लगाइएको भ्रष्टाचार मुद्दामा सुनुवाई सुरू भएको छ ।

जेरुसेलम अदालतमा सुरू भएको सुनुवाईका क्रममा ७० वर्षीय नेतन्याहुले आफ्नो पहिचानका बारेमा पुष्टि गर्ने खालका धारणा मात्र राखेको बीबीसीले जनाएको छ ।

नेतन्याहुको पक्षमा वकालत गर्नेहरूले प्रमाण समिक्षा गर्नका लागि प्रशस्त समयका लागि अनुरोध गरेको बताइएको छ।

अदालतले अर्को सुनुवाईको मिति निर्धारण नगरिकन आइतबार करिव एक सुनुवाई गरेर स्थगित गरेको छ।

इजरायली इतिहासमा बहालवाला प्रधानमन्त्रीले भ्रष्टाचार मुद्दा खेपेको यो पहिलो भएको बताइएको छ ।

उनले व्यापारीको पक्षमा काम गर्ने गरी उपहार लिएको तथा आफ्नो पक्षमा सकारात्मक समाचार प्रकाशनका लागि प्रभावमा पार्न राज्यस्रोतको दुरूपयोग गर्दै लालचमा फसाएको जस्ता आरोपसहितका अनियमितताका मुद्दा दायर भएका छन् ।