काठमाडौं -पाकिस्तान महिला क्रिकेट टीमकी पूर्व कप्तान साना मिरले अन्तर्राष्ट्रिय खेल करियरबाट सन्यासको घोषणा गरेकी छन् ।

३४ वर्षीया मिरले शनिबार अन्तर्राष्ट्रिय क्रिकेट करियरलाई बिट मार्ने घोषणा गरेकी हुन्।

पाकिस्तानका लागि २ सय २६ अन्तरास्ट्रिय खेल खेलेकी उनले त्यसमध्ये १ सय ३७ खेलमा कप्तानी सम्हालेकी थिइन् ।

मिरले सन् २००५ मा पाकिस्तान राष्ट्रिय क्रिकेट टोलीबाट डेब्यु गरेकि थिइन् ।

`पछिल्ला केही महिनादेखि यस बिषयमा सोच आइरहेका थिए। मैले सोचे मुभ अन गर्ने यहीँ समय ठिक हुनेछ । मलाई विश्वास छ मैले आफ्नो क्षमताले भ्यायसम्म देश र खेल लाई योगदान दिन सकेकी छु,´मिरलाई उदृत गर्दै पाकिस्तान क्रिकेट बोर्डले जारी गरेको विज्ञप्तिमा भनिएको छ।

`मेरो क्रिकेट यात्रामा मेरो मित्रता बलियो बनेको छ। निकै विश्वका प्रतिभावान महिला क्रिकेटलाई भेट्न पाए। उनीहरुका कथा र दर्शन सुन्दा मलाई बलियो खेलाडी मात्रै बनाएन जीवनमा धेरै कुरा सिक्न पनि पाए। जुन तपाईं भित्रभन्दा फरक अथवा खेलमा जीत हुँदा वा हार्दा पनि काम लाग्ने,´ मिरले आफ्नो अनुभव सुनाउँदै भनेकि छन्।

कुनै समय मिर अन्तर्राष्ट्रिय क्रिकेट परिषद (आईसीसी) को विश्व वरियताको शीर्ष स्थानसम्म पुग्न सफल भएकी थिइन । तर, उक्त वरियता विभिन्न कारणले विवादमा परेको विषयलाई पनि उनले खेल जीवनको पार्टोका रुपमा व्याख्या गरेकी छन् । मिर विश्व खेलकुदमा महिलाका लागि राम्रो उदाहरण रहेको आईसीसीले बताएको छ।