एजेन्सी- साउदी अरेबियामा कोरा हान्ने ‘छडीले हिर्काउने’सजाय खारेज भएको छ ।
कोरा हान्ने सजायलाई साउदीको सर्वोच्च अदालतले खारेज गरेको हो । अदालतले सरकारका नाममा जारी गरेको निर्देशनात्मक आदेशमा भनिएको छ, ‘कोरा हान्ने सजायको विकल्पमा जेल सजाय अथवा जरिवाना तिराउनुपर्छ।’
मुस्लिम राष्ट्र साउदी अरबमा सार्वजनिक स्थलमा विभिन्न घटनामा दोषीलाई कोराले हिर्काउने चलन छ। यस सजाय महिलामा पनि लागू छ। मानव अधिकारवादीहरुले कोराले हिर्काउने सजायले मानवअधिकारको उल्लंघन गरेको बताउँदै आएका थिए।
कोरा हान्ने सजाय खारेज गरिनुलाई साउदीका राजा सलमान र उनका छोरा राजकुमार मोहम्मद बिन सलमानको सुधारको कार्यक्रमको रुपमा हेरिएको छ।
प्रतिक्रिया