काठमाडौं – करिव ४ महिनादेखि कोरोना भाइरसको महामारीले संसार नै आक्रान्त भइरहँदा यस्तो एउटा जोडी फेला परेको छ जसलाई लाखौं मानिस प्रभावित भएको कोरोना भाइरसको महामारीबारे भर्खरै थाहा भएको छ ।

प्रेम, रोमान्स र घुमफिरमा मस्त हुने बेलायतको म्यान्चेष्टरको यो जोडी कोरोना भाइरसको महामारी फैलिएपछि नै फेब्रअरी लागेपछि २५ दिने समुन्द्र यात्रा सकेर फर्किएपछि मात्रै यसबारे जानकार भएको हो ।

बेलायतको म्यानचेष्टरका रयान ओसबोर्न र उनकी पत्नी एलेना मनिगेट्टीले साथमा विश्व भ्रमण गर्ने योजना बनाएपछि विश्व यात्राका लागि पुग्नेजति पैसा जम्मा गरे ।

त्यसपछि उनीहरुले एउटा याट किने । उनीहरुले यही याटमा बसेर लामो समुद्री यात्रा गर्ने योजना बनाए र सुरु पनि गरे । उक्त यात्रा सुरु गर्नुअघि उनीहरुलाई घरपरिवार र आफन्तलाई कुनै पनि अशुभ समाचार नसुनाउँन भनेका थिए ।

डेलीमेलमा प्रकाशित समाचार अनुसार फेब्रुअरीको अन्तिम सप्ताहमा यो जोडीले क्यानरी आइल्याण्डबाट आफ्नो विश्व यात्रा सुरु गरे । क्यानरी आइल्याण्ड उत्तर पश्चिम अफ्रिकाको किनारामा एटलान्टिक महासागरमा छ ।

यहाँबाट आफ्नो यात्रा सुरु गरेका रयान र एलेनाले ब्राजिलको उत्तरी इलाकामा स्थित सेन्ट विन्सेट द्वीपलाई गन्तव्य बनाएर यात्रा अगाडि बढाए ।

२५ दिनमा ३ हजार माइल समुद्रमा यात्रा गरेपछि उनीहरु ब्राजिलको सेन्ट विन्सेट द्वीप पुगेपछि मात्रै यसबारे जानकार भएका हुन् । अर्थात फ्रेब्रअरी अन्तिमबाट यात्रा सुरु गरेका उनीहरुले मार्चको तेस्रो साता मात्र यसबारे जानकारी पाएका छन् ।