काठमाडौं – अमेरिकाले अपराधमा संलग्न ग्रीनकार्डवाहक आप्रवासीलाई देश निकाला गर्न सक्ने भएको छ ।

स्थायी रुपमा नै अमेरिकामा बस्दै आएका तर धेरै अपराधमा संलग्न भएको पाइए त्यता आप्रवासीलाई देश निकाला गर्न सक्ने तल्लो अदालतको आदेशलाई सर्बोच्च अदालतले पनि सदर गरेको हो ।

अमेरिकी सर्बोच्च अदालतका ९ न्यायाधीशहरुमध्ये ५ जनाले धेरै अपराधमा संलग्न ग्रीनकार्डवाहकलाई देशनिकाला गर्न सकिने प्रावधानलाई सदर गरेका हुन् ।

अदालतले धेरै अपराधमा संलग्न भएर सन् २०१६ मा जर्जियामा देशनिकाला भएका तर अमेरिकामा ग्रीनकार्ड लिएर बस्दै आएका ४२ वर्षीय आन्द्रे मार्टेलो बार्टोनको मुद्धामा यस्तो फैसला गरेको हो ।

देशनिकालामा परेका बार्टोनले हातहतियार, लागु औषध, आक्रमण लगायतका अपराध गरेका थिए । अमेरिकी ग्रीनकार्डवाहक उनले देशनिकाला रद्द गराउन माग गर्दै अदालतमा आवेदन दिएका थिए । तर अदालतले उनको पक्षमा फैसला नगरेपछि अप्ठेरोमा परेका छन् ।

सन् २०१६ मा ओबामा कार्यकालमा नै अध्यागमन अदालतका न्यायाधीशले ती व्यक्ति देशनिकाला रद्द गराउन योग्य नभएको फैसला गरेका थिए ।

सन् २०१७ मा पनि बोर्ड अफ इमिग्रेशन अपिलले उनको देशनिकालालाई छुट दिन नसकिने फैसला गरेको थियो ।

अदालतको उक्त फैसलासँगै अमेरिकामा बसोबास गर्दै आएका १ करोड ३० लाखभन्दा बढी आप्रवासीमध्ये हजारौँ मानिसहरु कुनै न कुनै रुपमा प्रभावित हुन सक्ने समाचार संस्था रोयटर्सले जनाएको छ ।