काठमाडौं – सरकारले मंगलबारदेखि एक साताका लागि मुलुकभर लकडाउन गरेपछि बैंकबाट पैसा निकाल्ने क्रम बढेको छ ।
लकडाउन लम्बिन सक्ने र आवश्यक उपभोग्य सामग्री जुटाउन पर्ने भएपछि बचतकर्ताहरुले बैंकमा राखेको रकम धमाधम निकालेका हुन् ।
दुई दिनयता मात्रै एटीएमबाट धेरै पैसा झिकिएको बैंकहरुले बताएका छन् । दुईचार दिनयता ढुकुटीबाट ठूलो पैसा बाहिरिएको राष्ट्र बैंकको समेत तथ्यांक छ ।
आइतबार र सोमबार मात्र बैंक तथा वित्तीय संस्थाले तीन अर्ब रुपैयाँभन्दा बढी पैसा लगेको नेपाल राष्ट्र बैंकले जनाएको छ । तर राष्ट्र बैंकबाट लगिएको पैसा बराबर नै बचतकर्ताले भने नझिकेको राष्ट्र बैंकले प्रष्ट्याएको छ ।
प्रतिक्रिया