काठमाडौं- प्रहरीले काठमाण्डौंको कपन खरिबोटबाट दुर्लभ वन्यजन्तु रेड पाण्डाको छालासहित चार जनालाई पक्राउ गरेको छ ।

अबैध रुपमा ओसारपसार गरी ल्याई बिक्री गर्ने गरेको भन्ने गोप्य सूचनाको आधारमा प्रहरीले सूर्यबहादुर भुजेललगायत चार जनालाई पक्राउ गरेको हो ।

प्रहरीका अनुसार काठमाण्डौं बुढानिलकण्ठ न.पा. वडा नं १२ कपन खरिबोट सुर्य बहादुर भुजेल, सुक बहादुर लामा, कमला तामाङ र युबराज सापकोटालाई पक्राउ गरेको हो ।

उनीहरुलाई खानतलासी गर्ने क्रममा सुर्य बहादुर भुजेलले बोकेको झोलामा दुर्लभ बन्यजन्तु रेड पाण्डाको छाला थान १ फेला पारेको प्रहरीले जनाएको छ । 

पक्राउ परेका उनीहरुलाई आवश्यक कारवाहीको लागि जिल्ला बन कार्यालय हात्तीसार काठमाण्डौं पठाइएको प्रहरीले जनाएको छ ।