काठमाडौं – केही समयदेखि चर्चामा रहेको फिल्म ‘पारस’ मा अनमोल केसीले अभिनय गर्ने भएका छन् । पहिले यो फिल्ममा निश्चल बस्नेतले पारस चरित्र निर्वाह गर्ने भनिएको थियो ।

फिल्मलाई ‘लूट’ निर्माता माधव वाग्लेले निर्देशन गर्दैछन् भने भुवन केसी निर्माण गर्नेछन् । आज (मंगलवार) माधव वाग्ले र भुवन केसीबीच फिल्म निर्माणको सम्झौता भएको हो ।

अनमोलको फिल्म ‘एन्टी हिरो’ भने अब केही समयपछि धकेलिएको छ । निर्माण टिमले स्किृप्ट पूरा नभएका कारण फिल्मको केही पछि काम थालिने जानकारी गरायो ।

फिल्ममा नयाँ नायिकालाई अनुबन्ध गरिने निर्माण टिमले जनाएको छ । फिल्मको छायांकन सम्भवतः वैशाखको दोस्रो साताबाट शुरु हुनेछ ।

निर्माण टिमले ‘ए मेरो हजुर ४’ को छायांकन सकिएपछि ‘पारस’ को छायांकन थालिने जनाएको छ । ‘ए मेरो हजुर ४’ मा  भने अनमोल र सुहाना थापाको जोडी रहनेछ ।