एजेन्सी- स्पेनिस ला लिगा फुटबलमा भ्यालेन्सिया इल्चेसँग पराजित भएको छ ।
शुक्रबार राति भएको खेलमा भ्यालेन्सिया इल्चेसँग २-१ गोलले पराजित भएको हो ।
घरेलु मैदानमा इल्चेलाई जित दिलाउन जोसन र फिडेल चाभेसले एक/एक गोल गरे ।
भ्यालेन्सियाका टोनी लाटोले एक गोल फर्काए । खेलको १९औं मिनेटमा जोसनले गोल गर्दै टोलीलाई अग्रता दिलाएका थिए ।
३७औं मिनेटमा फिडेलले इल्चेको अग्रता २-० को बनाए । त्यसपछि खेलको ७४औं मिनेटमा टोनीले एक गोल फर्काएपनि भ्यालेन्सियाको हार टार्न सकेनन् ।
भ्यालेन्सियालाई हराएसँगै इल्चे तालिकाको पाँचौँ स्थानमा उक्लिएको छ । इल्चेले ५ खेलमा १० अंक जोडेको छ ।
प्रतिक्रिया