काठमाडौँ- सत्तारुढ नेपाल कम्युनिस्ट पार्टी (नेकपा)को  विवाद बढ्दै गएपछि समाधानका लागि पार्टीका अध्यक्षद्व केपी शर्मा ओली र पुष्पकमल दाहाल ‘प्रचण्ड’ले गठन गरेको कार्यदलको प्रतिवेदन सार्वजनिक भएको छ ।

पार्टी महासचिव विष्णु पौडेल संयोजकत्वको ६ सदस्यीय कार्यदलले विवाद समाधानका केही उपायसहित आफ्नो प्रतिवेदन अध्यक्षद्वयलाई बुझाइसकेको छ ।

पार्टीको विवाद समाधानका सूत्र पहिल्याउन अध्यक्षद्वयले गत साउन ३० गते महासचिव पौडेलको संयोजकत्वमा कार्यदल गठन गरेका थिए । कार्यदलमा शंकर पोखरेल, सुरेन्द्र पाण्डे, भीम रावल, जनार्दन शर्मा र पम्फा भुसाल सदस्य थिए ।

कार्यदलले बुझाएको प्रतिवेदनमा प्रधानमन्त्री केपी शर्मा ओलीले पूरै कार्यकाल सरकार चलाउने र अर्का अध्यक्ष पुष्पकमल दाहालले पार्टीमा कार्यकारी हैसियतले काम गर्ने सुझाव दिइएको छ ।

यसका साथै मन्त्रिपरिषद् हेरफेर, प्रदेश सरकारमा फेरबदललगायतका कुरा पनि प्रतिवेदनमा समेटिएको छ ।

कार्यदलले बुझाएको प्रतिवेदन