काठमाडौं- काठमाडौं उपत्यकामा थप २ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले उपत्यकामा थप २ जनामा कोरोना भाइरस संक्रमण पुष्टि गरेका हुन्।

बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा गौतमले काठमाडौँका १ र भक्तपुरका १ जनामा कोरोना पुष्टि भएको बताएका हुन् ।

काठमाडौँका संक्रमित पुरुष र भक्तपुरकी संक्रमित महिला रहेको प्रवक्ता गौतमले जानकारी दिए।

प्रवक्ता गौतमका अनुसार पछिल्लो २४ घण्टामा ६८२८ आरटीपीसीआर परीक्षण गरिएकोमा ६२९ जनामा कोरोना पुष्टि भएको छ।

योसँगै नेपालमा कोरोना संक्रमितको संख्या १० हजार ७२८ पुगेको छ।

त्यस्तै पछिल्लो २४ घण्टामा निको भएर घर फकनेमा ८ र पुरुष १०६ गरी ११४ जना रहेको प्रवक्ता गौतमले बताए।

योसँगै नेपालमा उपचारपछि १९७ र २ हजार १४१ गरी २ हजार ३३८ जना निको भएर घर फर्किसकेका छन्। अहिलेसम्म मृत्यु भएको २४ जनामा कोरोना पुष्टि भएको छ।