बाग्लुङ-कोरोना भाइसर (कोभिड १९) संक्रमण देखिएकी १९ वर्षीय किशोरीसँगै एउटै जहाजमा आएका बाग्लुका युवालाई घरमै क्वारेन्टाइनमा राखिएको छ ।

चैत चार गते फ्रान्सबाट कतारको दोहा हुँदै आएकी १९ वर्षीय युवतीमा कोरोना भाइरसको संक्रमण देखिएको थियो ।

युवतीमा संक्रमण देखिएपछि उनीसँगै विमानमा आएका ढोरपाटन नगरपालिका ५ अधिकारी चौरका एक युवालाई घरमै क्वारेन्टाइनमा राखिएको हो ।

ढोरपाटन नगरपालिकाका मेयर देवकुमार नेपालीका अनुसार उनलाई अहिले घरमै क्वारेन्टाइनमा राखिएको छ ।

फ्रान्सबाट आएका उनी एक रात काठमाडौंमा बसेपछि गृहजिल्ला पुगेका थिए ।

मेयर नेपालीका अनुसार उनको स्वास्थ्य अवस्था सामान्य रहेको छ । १४ दिन क्वारेन्टाइनमा राख्न सल्लाह दिएर आफु फर्किएको उनले बताए ।

चिकित्सक र प्रहरी टोली लिएर नगरपालिकाका मेयर र अन्य पतिनिधि उनको घर पुगेका थिए ।