कास्की– अख्तियार दुरुपयोग अनुसन्धान आयोगको टोलीले ४० हजार ५ सय घुससहित एक जना सव-इन्जिनियरलाई पक्राउ गरेको छ ।
अख्तियारको टोलीले जिल्ला आयोजना कार्यान्वयन इकाई (भवन) कास्कीबाट खटिएका मादी गाउँपालिकामा कार्यरत सव-इन्जिनियर नवलेस कुमार रौनियारलाई पक्राउ गरेको हो ।
मादी गाउँपालिका वडा नं- ९ का सेवाग्राहीसँग ४० हजार ५ सय घुस लिएको सूचनाका आधारमा उनलाई अख्तियारको टोलीले पक्राउ गरेको हो ।
संचारमाध्यमद्वारा प्रसारित सामग्रीसमेतको आधारमा निज सव-इन्जिनियर नवलेस कुमार रौनियारलाई अख्तियार दुरुपयोग अनुसन्धान आयोगको पोखरा कार्यालयबाट खटिएको टोलीले नियन्त्रणमा लिई अनुसन्धान जारी राखेको अख्तियारले जनाएको छ ।
प्रतिक्रिया