काठमाडौं– चीनमा महामारीका रुपमा फैलिएको कोरोना भाइरसको संक्रमण दक्षिण कोरियामा पनि बढ्दोरुपमा देखिएपछि प्रमुख प्रतिपक्षी दल नेपाली कांग्रेसले त्यहाँ रहेका नेपालीहरुलाई आवश्यक सुरक्षा सतर्कता अपनाउन आग्रह गरेको छ ।

कांग्रेस सभापति शेरबहादुर देउवाले आज नेपाली जनसम्पर्क समितिका अध्यक्षलाई पत्र पठाउँदै त्यहाँ रहेका सम्पूर्ण नेपालीको सुरक्षामा सतर्कता अपनाउन अपिल गरेका हुन् । उनले नेपाली जनसम्पर्क समिति र कोरियामा रहेका दर्जनौं नेपाली संघसंस्थालाई आपसी भाइचार अभिवृद्धि गर्दै यस्तो घडीमा एकतावद्ध ढंगले आवश्यक समन्वय गर्न अपिल गरेका छन् ।

सभापति देउवाले पठाएको पत्रमा भनिएको छ– ‘कोरोना भाइरसको संक्रमणले अहिले विश्वका कयौं मुलुक प्रभावित रहेका छन् । केहीदिन यता दक्षिण कोरियामा समेत कोरोना भाइरसबाट सयौं संक्रमित भएको र केहीको मृत्यु समेत भैसकेको विवरण सञ्चार माध्यमहरुमार्फत थाहा पाउँदा त्यहाँ रहेका समस्त नेपालीहरुको सुरक्षा संवेदनशीलता प्रति हाम्रो चासो बढेको छ । नेपाल सरकार र नेपाली दूतावासमार्फत हुन सक्ने आवश्यक सजगताबारे हामी घच्घच्याई रहेका छौं ।’

कोरियास्थित नेपाली दूतावासले समेत दक्षिण कोरियामा रहेका नेपालीहरुलाई सुरक्षा सतर्कता अपनाउन अपिल गरिसकेको छ ।

विज्ञप्ति यस्तो छ