गोर्खा – साल्ट ट्रेडिङ कर्पोरेशन पोखराले गोर्खाको बारपाकमा गर्भवती महिलालाई आयोडिन नुनको आवश्यकताबारे चेतनामुलक कार्यक्रम गरेको छ ।

कार्यालयले जनचेतना अभियान २०२० को अवसरमा ‘आयोडिन महिना २०२०’ अन्तर्गत गोर्खाको बारपाकमा सचेतना कार्यक्रम गरेको हो ।

गर्भवती महिलाको शरीरमा आयोडिनको मात्रा कम भएमा गर्भ खेर जाने, मृत शिशु जन्मिने र बौद्धिक अपाङ्गता भएको बच्चा जन्मिने लगायतका प्रचार सामग्रीसहित सचेतना कार्यक्रम सम्पन्न भएको कार्यालयले जनाएको छ ।

सो अवसरमा हिमालय माध्यमिक विद्यालय बारपाकमा अध्ययनरत आधारभूत तहका विद्यार्थीलाई आयोडिनयुक्त नुन, टिसर्ट, सपिङ झोला, पर्चा पम्लेटसहितका सामग्री प्रदान गरिएको थियो ।

सामग्री वितरण गर्दै साल्ट टेड्रिङ कर्पोरेशन पोखराका प्रमुख सुरेश राजभण्डारीले आयोडिनयुक्त नुन दैनिकरुपमा सेवन गर्दा शरीरलाई स्वस्थ र तन्दुरुस्त राख्न मद्दत मिल्ने बताए ।