काठमाडौं– प्रधानमन्त्री केपी शर्मा ओलीले कोरोना भाइरसबाट संक्रमित हुने सबै नागरिकको परीक्षण र उपचारको दायित्वबाट सरकार विमुख नहुने बताएका छन्।

शुक्रबार देशबासीका नाममा सम्बोधन गर्दै ओलीले महामारीमा जनताको जीवन रक्षा नै सरकारको पहिलो दायित्व हुने बताए।प्रधानमन्त्री ओलीले महामारीमा विभिन्न अफवाह चल्ने गरेको भन्दै महामारीमा राज्यले सबै नागरिकको सहयोगको

अपेक्षा गरेको पनि बताएका छन्। उनले उपचारमा सबै नागरिकको समान उपचारमा पहुँच पुर्‍याउने गरी काम गरिएको पनि दावी गरेका छन्।

निजी अस्पतालमा नागरिकले आफैँले आफ्नो उपचार गराइरहेको भन्दै उनले यसले राज्यलाई सहयोग गनै गर्ने पनि बताए।

प्रधानमन्त्री ओलीले मान्यजनसँग टिका ग्रहण गर्दा सजग हुन आग्रह गरेका छन्। दसैंको मुखमा कोरोना संक्रमण अहिलेसम्मकै उच्च बिन्दुमा पुगेको भन्दै उनले सजग भएर चाडपर्व मनाउन आग्रह गरे।