चर्चित भारतीय रियालिटी शो बिगबोसमा टेलिभिजन अभिनेत्री नीया शर्माले भाग लिने समाचार बाहिरिएको केहि समय मात्र भएको छ । तर हालैमा उनले दिएको एक अभिव्यक्तिले उनका फ्यान माझ निराशा छाएकोछ ।

भारतीय टेलिभिजन सिरियल नागिन ४ की मुख्य अभिनेत्री नीया शर्माले बिगबोसमा भाग लिने खबरले शोको टिआरपी निकै बढेको थियो । तर अन्तिममा आएर नियाले शोमा भाग नलिने जनाएकी छन् । चाडैं प्रशारणको तयारीमा रहेको बिगबोस १४ मा भाग लिने योजना रद्ध गरेकी छन् ।

शोमा भाग लिने समाचारहरु बाहिरिन थालेपछि नियाले आफु बिगबोसमा जाने नजाने यस कुराको निर्णय लिने अधिकार आफुमा मात्र निहित भएको भन्दै समाचारमा भनिए अनुसार आफ्नो कुनै तयारी नरहेको बताएकी छन् । उनको यो अभिब्यक्ति पछि उनी बिगबोस १४ को प्रतिस्पर्धी नबन्ने लगभग पक्का भएको छ ।