मुम्बई – दक्षिण भारतीय फिल्मका सुपरस्टार प्रभास र बलिउड अभिनेत्री दीपिका पादुकोणलाई एक फिल्ममा महंगो पारिश्रमिकमा अनुबन्ध गरिएको छ ।

‘प्रभास २१’ नामक उक्त फिल्मका लागि दीपिकाले २० करोड भारु पारिश्रमिक लिने भएकी छिन् । योसँगै उनी बलिउडकी महंगी अभिनेत्री बनेको भारतीय मिडियाले उल्लेख गरेका छन् ।

मिडियाका अनुसार यो फिल्मका लागि प्रभासलाई ५० करोड भारु दिइने भएको छ ।

३ दिनअघि घोषणा गरिएको ‘प्रभास २१’ मा दीपिका अनुबन्ध भएपछि फिल्मको थप चर्चा चुलिएको छ । दीपिकाको इन्ट्रीसँगै फिल्मको कथामा पनि परिमार्जन गरिएको छ ।

यो फिल्म साइन्स फिक्सन कथामा आधारित हुनेछ । यस्तै फिल्मको निर्देशन नाग आश्विनले गर्नेछन् । योसँगै दीपिकाले दक्षिण भारतीय फिल्ममा कदम राखेकी छिन् ।