नवलपरासी – पूर्वी नवलपरासीको विनयी त्रिबेणी गाउँपालिका वडा नम्बर ३ स्थित खोलामा टिपर धुने क्रममा करेन्ट लागेर दुई जनाको मृत्यु भएको छ ।

प्रहरीका अनुसार, मृत्यु हुनेमा स्याङ्जा सेखमका ३५ बर्षीय टिपर चालक भरत थापा र नवलपरासीको विनयी त्रिबेणी ५ ध्रुवकोट का सहचालक १७ बर्षीय आशिष विक रहेका छन् ।

जिल्ला प्रहरी कार्यालय पूर्वी नवलपरासी प्रहरी नायब उपरीक्षक एंवम सूचना अधिकारी मोहनबहादुर खाणले दिएको जानकारी अनुसार आज बिहान सवा नौ वजे विनयी त्रिवेणी ३ स्थित खोरन्डे खोलामा लु २ ख ४७४४ नम्बरको टिपर धुने क्रममा टिपरको पछाडिको भाग विधुत पोलको तारमा छुने जादा टिपरका चालक र सहचालकको घटनास्थलमा नै मृत्यु भएको हो।

दुर्घटना परी मृत्यु भएकाको मुचल्का उठाइ पोष्ट मार्टमका लागि पठाउने प्रहरीले जनाएको छ ।