काठमाडौं- नेपालको मिचिएको भूमिको विषयलाई लिएर राजा राजेन्द्र लगायतका गायक गायिकाहरुले ‘हाम्रो माटो’ बोलको गीत सार्वजनिक गरेका छन् ।

अमृत खातीको शब्द तथा राजा राजेन्द्रको संगीतमा देशभक्ति गीत ‘हाम्रो माटो’ सार्वजनिक भएको हो ।

गीतमा अमृत खाती ,राजा राजेन्द्र पोखरेल, विक्रमजंग शाह, सिर्जु अधिकारी ,अनु अधिकारीले स्वर दिएका छन् ।

गीतमा संगीत संयोजन कमल सौरागको रहेको छ भने स्टुडियो मुर्चुङ्गा डिजिटल रहेको छ । गीतको रेकर्डिङ र मिक्सिङ सन्जय शृपालले गरेका छन् । गीतको निर्देशन, सम्पादन र छायांकन हुम गैरेले गरेका छन् ।

सरकारले नेपालको मिचिएको भूमि लिपुलेक, कालापानी र लिम्पियाधुरा सहितको नयाँ नक्सा समेत सार्वजनिक गरिसकेको छ । भारतले नेपाली भूमि हुँदै मानसरोवर जाने बाटोको उद्घाटनसँगै नेपालयमा यसको विरोध भएको थियो ।