चर्चित बलिउड अभिनेता शाहरुख खान तथा गौरी खानकी छोरी सुहाना खान २० वर्ष पुरुा भएकी छन् । उनले २२ मेमा आफ्नो जन्मदिन मनाएकी छन् ।

सन् २००० मा मुम्बईमा जन्मिएकी सुहानाले हालसम्म बलिउडमा डेब्यु गरेकि छैनन् । तर उनलाई चाहने फ्यानको संख्या भने लाखौं छन् । जसका कारण सुहाना खानको फोटो सामाजिक सञ्जालमा निकै भाइरल हुने गर्दछ ।

उनी यसरी चर्चामा आउनुको कारण भने मात्र दुइवटा रहने गरेको छ, एक उनी बलिउड किंग शाहरुखकी छोरी हुनु र अर्को उनको आफ्नो स्टाइल र ड्रेसिंग सेन्स ।

सुहाना आफ्नो पहिरनका कारण हमेशा चर्चामा छाउने गरेकी छन् । तत्काल बलिउडमा इन्ट्रिको चाहना नराखेकी सुहाना सामाजिक सञ्जालमा केहि बर्षअघि मात्र जोडिएकी हुन् । तथापी उनको इन्स्टाग्राममा साढे ८ लाख फलोअर्स छन् ।

सुहाना खानले गतबर्ष नै स्नातकको अध्ययन सकाएकी छन् भने अहिले अभिनय र नृत्य सिक्नमा ब्यस्त छिन् । कोरोनाको महामारीका बेला आफ्नो घर मन्नतमा बुवा शाहरुख र आमा गौरीसहित एक दाजु र भाईसँग सुहाना रहदै आएकि छन् ।