काठमाडौं – पूर्व म्यान्चेस्टर युनाइटेड मिडफिल्डर मारौने फेल्लाइनेलाई नोबेल कोरोना भाइरस (कोभिड १९) को संक्रमण देखिएको छ ।

३२ वर्षिय मारोनेले सामाजिक सञ्जाल ट्वीटरमार्फत आफुलाई कोरोना भाइरस देखिएको जानकारी दिएका छन् ।

चिनियाँ सञ्चार माध्यमहरुले फेल्लाइने अहिले जिनान अस्पतालको आइसोलेसनमा रहेको जनाइएको छ । बेल्जियमका स्टार खेलाडी ११ वर्षको इङ्ग्ल्यान्ड बसाईलाई टुङ्ग्याएर २०१९ मा चीन आएका हुन् ।

केही समय अगाडि बेल्जीयमका लागि स्वदेश फर्किएका उनी चाइनीज सुपर लिग खेल्न आउँदा यतै बिरामी परेका हुन् ।

उनको क्लबले विज्ञप्ति जारी गर्दै खेलाडी क्वारेन्टाइनमा रहँदा कोरोना संक्रमण देखिएको र अहिले अस्पतालमा उपचाररत रहँदा सामान्य अवस्थामा फर्किइसकेको उल्लेख गरेको छ ।