काठमाडौं – सहिद स्मारक बी डिभिजन लिगको पहिलो दिनको खेलमा व्वाइज युनियन क्बल र बाँसबारी क्बलले विजयी शुरुवात गर्दा श्रीकुमारी क्लब र श्रीभगवती क्बल पराजित भएका छन् ।

सातदोबोटोस्थित एन्फा मैदानमा भएको पहिलो खेलमा व्वाइज युनियन क्लबले श्रीकुमारीलाई २–० गोल अन्तरले पराजित गरेको हो ।
बी डिभिजन लिगको उद्घाटन खेलका रुपमा रहेको व्वाइज युनियन र श्रीकुमारीबीचको खेल रहेको थियो ।

व्वाइज युनियनका लागि बर्तमान राई र प्रदिप बोगटीले समान एक–एक गोल गरे । खेलको ४१ औं मिनेटमा गोल गर्दै राईले टीमलाई अग्रता दिलाएका थिए भने बोगटीले ७६ औं मिनेटमा गोल गर्दै टिमलाई दोहोरो अग्रता दिलाए ।

व्वाइज युनियनविरुद्ध श्रीकुमारीका खेलाडीले गोल गर्न नसक्दा बोगटीको उक्त गाृल नै टिमको जीतका लागि निर्णायक बन्यो ।

यस्तै, आजै भएको अर्को खेलमा बाँसबारी क्लबले श्रीभगवतीलाई १–० गोल अन्तरले पराजित गरेको छ । बासबारीको जीतमा अमृत गुरुङले खेलको ८४ औं मिनेटमा गरेको गोल निर्णायक बनेको हो ।

योसँगै पहिलो दिनको खेलमा व्वाइज युनियन र बाँसबारीले समान ३–३ अंक जोड्दै शुखद् शूरुवात गर्दा श्रीकुमारी र श्रीभगवतीले भने कमजोर शुरुवात गरेका छन् ।