काठमाडौं– क्रिकेट प्लेयर्स एसोसियसन नेपाल (सिप्यान) ले आयोजना  गर्ने एनसीसीएस सिप्यान क्रिकेट अवार्ड –२०२० चैत तेस्रो साता गर्ने भएको छ ।

सिप्यानले आइतबार पत्रकार सम्मेलन गरि अवार्ड कार्यक्रम चैत २१ गते गर्ने जानकारी दिएको हो ।

नेपाली क्रिकेट खेलाडीहरुको भातृ संगठनका रुपमा रहेको सिप्यानले दोस्रो संस्करणको अवार्डका लागि पनि शिक्षा क्षेत्रमा सक्रिय एनसीसीएस ग्रुपलाई टाइटल स्पोन्सर बनाएको छ ।

सिप्यानले विभिन्न ५ विधामा खेलाडी तथा क्रिकेटमा योगदान पुर्याएका व्यक्तिहरुलाई सम्मान गर्ने भएको छ । जसमा बर्ष क्रिकेट खेलाडी महिला÷पुरुष बर्ष उदीयमान क्रिकेट खेलाडी, वर्षको उत्कृष्ट क्षण र लाइफटाइम अचिभ्मेन्ट २०१९/०२० अवार्ड रहेका छन् ।

बर्ष खेलाडी महिला÷पुरुषले समान १ लाख ३२ हजार पाउनेछन् भने बर्ष उदीयमान खेलाडी, उत्कृष्ट क्षण र लाइफटाइम अचिभमेन्ट अवार्डबाट सम्मानित हुनेले सम्मान पत्रसहित ६६ हजार नगद प्राप्त गर्नेछन् ।

५ विधाका लागि खेलाडी छनोट गर्ने सिप्यानले प्राविधिन समिति गठन गर्ने जानकारी समेत दिएको छ ।

अघिल्लो बर्ष उत्कृष्ट पुरुष खेलाडी र महिला खेलाडीको पुरस्कार असमान थियो । जसमा बर्ष क्रिकेट खेलाडी पुरुषबाट सम्मानित भएका सन्दीप लामिछानेले १ लाख ३२ हजार प्राप्त गरेका थिए भने बषै क्रिकेट खेलाडी महिला घोषित भएकी सिता राना मगरले ६६ हजार प्राप्त गरेकि थिइन् ।

तर, यो संस्करणमा भने बर्ष क्रिकेटर महिला र पुरुषले समान १ लाख ३२ हजार पाउनेछन् ।

बर्षको उत्कृष्ट क्षणका लागि ‘अनलाइन भोटिङ’ प्रणालि बाट छनोट गर्ने सिप्यानले जनाएको छ । यस्तै, क्रिकेटमा योगदान गरेका पुराना पुस्ताका एक जना खेलाडी लाइफटाइम अचिभमेन्ट अवार्डबाट सम्मानित हुनेछन् ।