काठमाडौं – जावलाखेल युवा क्लब सशस्त्र प्रहरी बलको एपीएफ क्लबलाई पराजित गर्दै सहिद स्मारक ए डिभिजन लिगको पाँचौ स्थानमा उक्लिएको छ ।

बिहीबार दशरथ रंगशालामा भएको खेलमा जावलाखेलले एपीएफलाई १–० गोल अन्तरले पराजित गरेको हो ।

जावलाखेल र एपीएफबीचको खेल पहिलो हाफमा गोलरहित बराबरी भएको थियो । खेलको ५७ औं मिनेटमा जावलाखेलका गोलकिपर टेकेन्द्र थापाले रातो कार्ड खाएका थिए । ५७ औं मिनेटमा १० खेलाडीमा सिमित भएको जावलाखेलविरुद्ध एपीएफले भने सुविधा लिन सकेन ।

तर, खेलको ७१ औं मिनेटमा अफ्रिकन खेलाडी फोफानेले गोल गर्दै एपीएफविरुद्ध क्लबलाई जित दिलाएका थिए ।

जीतसँगै जावलाखले १२ अंकसहित पाँचौ स्थानमा उक्लिएको छ । पराजित एपीएफ भने रेलिगेसन जोनमा छ । ८ खेल खेलिसकेको एपीएफले मात्रै ५ अंक जोड्दै अंक तालिकाको पुछारबाट दोस्रो स्थानमा उक्लिएको छ ।