काठमाडौं– स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा ७२२ जना कोरोना संक्रमित थपिएका छन् ।

योसँगै हालसम्म कोरोना संक्रमितको संख्या २ लाख ५५ हजार २३६ पुगेको छ ।

कुन जिल्लामा कति संक्रमित थपिए ?

मन्त्रालयका अनुसार प्रदेश १ को इलाममा एक, उदयपुरमा ३, ओखलढुंगामा २, खोटाङमा एक, झापामा ५, ताप्लेजुङमा एक, तेह्रथुममा २, धनकुटामा एक, भोजपुरमा एक, मोरङमा ४०, सुनसरीमा २६ र सोलुखुम्बुमा एकमा कोरोना भाइरसको संक्रमण पुष्टि भएको छ ।

यसैगरी प्रदेश २ को र धनुषामा ४ र बारामा एक जनामा संक्रमित थपिएका छन् ।

बागमती प्रदेशको काठमाडौं ३००, काभ्रेमा २३, चितवनमा ३७, दोलखामा ४, धादिङमा एक, नुवाकोटमा ४, भक्तपुरमा २३, मकवानपुरमा १८, ललितपुरमा ४२, सिन्धुपाल्चोकमा ३ र सिन्धुलीमा २ जनामा कोरोना भाइरसको संक्रमण पुष्टि भएको मन्त्रालयले जनाएको छ ।

यसैगरी गण्डकी प्रदेशको कास्कीमा ३१, गोरखामा ३, तनहुँमा ९, नवलपरासी पूर्वमा ६, लमजुङमा ३, बागुलङमा ३ र स्याङजामा ४ जनामा कोरोना संक्रमित थपिएका छन् ।

मन्त्रालयका अनुसार लुम्बिनी प्रदेशको अर्घाखाँचीमा ५, कपिलवस्तुमा एक, गुल्मीमा ६, दाङमा ५, नवलपरासीमा ७, पाल्पामा ६, बर्दियामा १२, बाँकेमा ६, रुपन्देहीमा २० जनामा कोरोना पुष्टि भएको छ ।

यस्तै कर्णाली प्रदेशको जाजरकोटमा २ जना, जुम्लामा एकजना, डोल्पामा ३, दैलेखमा ३, सल्यानमा २, कालिकोटमा एक र सुर्खेतमा १४ जनामा कोरोना भाइरसको संक्रमण पुष्टि भएको मन्त्रालयले जनाएको छ ।

यसैगरी २४ घण्टाको अवधिमा सुदूरपश्चिम प्रदेशको अछाममा २, कैलालीमा ३, डडेल्धुरामा ४, बझाङमा ४ र बैतडीमा ८ जना कोरोना संक्रमित थपिएको मन्त्रालयले जनाएको छ ।