काठमाडौँ– विभागीय टोली त्रिभुवन आर्मी क्लबले एएफसी क्लब लाइसेन्स प्राप्त गरेको छ । मंगलबार आर्मी क्लबले एएफसी लाइसेन्स हात पारेको अखिल नेपाल फुटबल संघ (एन्फा) ले जानकारी दिएको छ ।

एएफसी क्लब लाइसेन्सिङ रेगुलेसन २०२० मा भएको मापदण्ड पुरा गरेसँगै आर्मीले लाइसेन्स पाएको एन्फाले जानकारी दिएको छ।

अब क्लबको नाम ‘त्रिभुवन आर्मी फुटबल क्लब’ रुपमा एएफसीमा दर्ता भएको छ ।

क्लब लाइसेन्सिङको मापदण्ड पुरा नभएपछि नोभेम्बरमा नेपालका १३ ए डिभिजन क्लबहरुको प्रस्ताव अस्वीकार भएको थियो । तर, आर्मी क्लबले एएफसीको गाइडलाइन अनुसार काम गर्दा लाइसेन्स प्राप्त गरेको छ ।

एएफसी लाइसेन्स पाउने आर्मी क्लब पहिलो बनेको छ । योसँगै एएफसीको क्लब फुटबलमा आर्मीले खेल्न पाउने बाटो भने खुला भएको छ । लिग बिजेताले एएफसी कप खेल्न पाउने प्रावधान छ ।