मुम्बई – बलिउड अभिनेता रणवीर कपूर पछिल्लो समय सञ्जय दत्तको जीवनीमा बनेको फिल्म ‘सञ्जु’ मा देखिएका थिए । उक्त फिल्मलाई राजकुमार हिरानीले निर्देशन गरेका थिए ।

दुई वर्षदेखि रणवीर ठूलो पर्दामा देखिएका छैनन् । दर्शकले उनको फिल्मको प्रतीक्षा गरिरहेका छन् ।

लामो समयदेखि रणवीर अयान मुखर्जीको फिल्म ‘ब्रह्मास्त्र’ को शूटिङमा व्यस्त छन् । फिल्ममा आलिया भट्ट र अमिताभ बच्चन पनि छन् ।

यसका साथै रणवीर अर्को एक फिल्मका कारण पनि चर्चामा छन् । उक्त फिल्मलाई सन्दीप रेड्डीले निर्देशन गर्नेछन् ।

सो फिल्मको नाम पहिले ‘डेविल’ राखिएको थियो । तर, अब यो शीर्षकलाई बदलेर ‘एनिमल’ राखिएको छ । किनकि, उक्त नाममा साजिद नाडियाडवालाले एक फिल्म पहिले नै दर्ता गराएका थिए ।

रणवीर स्टारर फिल्म युनिटले साजिदसँग शीर्षकका लागि छलफल गरेको थियो । तर, साजिदले यो शीर्षक उपलब्ध गराउन अस्वीकार गरे ।

किनकि, फिल्म ‘किक’ मा सलमान खान डेविलका रुपमा देखिएका छन् । साजिदले सलमानलाई यसको सिक्वेलका रुपमा प्रयोग गर्ने सोच बनाएका छन् ।

खबरका अनुसार, रणवीर कपूरको यो फिल्म एक प्रतिबन्धित ग्याङस्टर ड्रामामाथि हुनेछ । फिल्मलाई भुषण कुमार र मुराद खेतानीले निर्माण गर्नेछन् । यसअघि सन्दीप रेड्डीले निर्देशन गरेको फिल्म ‘कबीर सिंह’ ले बक्स अफिसमा धमाका मच्चाएको थियो ।