काठमाडौँ- पछिल्लो २४ घण्टामा विभिन्‍न नाका प्रयोग गरी २२ हजार ८ सय ४६ यात्रु काठमाडौं उपत्यकामा भित्रिएका छन् । यस्तै २५ हजार २ सय ६४ जना यात्रु बाहिरिएका छन् ।

यही अवधिमा ५ हजार २ सय ४ वटा सवारीसाधन उपत्यका भित्रिएका छन् । ४ हजार ८ सय ८० सवारीसाधन उपत्यकाबाट बाहिरिएका छन् ।

महानगरीय ट्राफिक महाशाखाका एसपी रामेश्वरप्रसाद यादवले नाकामा सरकारले तोकेको मापदण्ड पूरा गरे/नगरेको जाँच भइरहेको बताए । उनका अनुसार दैनिक २५ हजारको हाराहारीमा उपत्यका भित्रिने र बाहिरिने यात्रु छन् ।

काठमाडौं उपत्यकाको सवारी आवागमन यतिबेला सामान्य रहेको छ । विभिन्‍न नाका हुँदै उपत्यका भित्रिने र बाहिरिने लामो दूरीका सवारीसाधन पनि सामान्य रुपमै सञ्‍चालन भइरहेको एसपी यादवले जानकारी दिए ।

उपत्यकामा आज जोर नम्बरका सवारीसाधन सञ्‍चालन भइरहेका छन् । नम्बर प्लेटको अन्तिम अंकका आधारमा सवारीसाधनको जोर-बिजोर छुट्याइएको हो ।