विश्वमा केहि यस्ता रहस्य छन् जो अझैसम्म रहस्यमयी अवस्थामा नै छन् । अर्थात यसको यर्थाथ बारे वैज्ञानिकले समेत पत्तो लगाउन सकेका छैनन् ।

भारतमा रहेको एक कुण्डका बारेमा अझैसम्म वैज्ञानिकले यो कति गहिराईको छ भन्नेबारे पत्तो लगाउन सकेका छैनन् ।

भारतको मध्यप्रदेशको छतरपुर जिल्लाको बाजना गाउमा रहेको यस रहस्यमयी कुण्डको नाम हो, भिम कुण्ड ।

यो कुण्डका बारेमा महाभारतमा उल्लेख भएको स्थानीयको दाबा छ । महाभारत कालमा जब पाण्डव अज्ञातवासमा थिए । त्यसबेला तिर्खाले आकुल ब्याकुल भएको बेला भिमले आफ्नो गदालाई पृथ्वीमा पछारेर यो कुण्ड बनाएको स्थानीयको कथन छ । कुण्ड बनेपछि उनीहरुले यहिबाट आफ्नो पानी तिर्खा मेटेका थिए ।

बाहिरबाट झट्ट हेर्दा यो कुण्डको आकार गदाको आकारसँग मिल्दो छ । अन्य आम कुण्ड जस्तै देखिएपनि यसको विशेषता भने निकै रोचक छ । अर्थात एशियामा कुनै पनि प्राकृतिक आपत्त् (बाढी, हुण्डरी, सुनामी) आउनु अघि कुण्डको पानि आफै बढ्ने गर्दछ ।

यतिमात्र होइन यस रहस्यमयी कुण्डको गहिराईसमेत आजसम्म कसैले पत्ता लगाउन सकेका छैनन् । यसका लागी स्थानीय प्रशासनदेखि विदेशी वैज्ञानिकसम्मको प्रयास निर्रथक भएको छ । यहाँसम्म कि चर्चित डिस्कभरी च्यानलले समेत यसको गहिराई पत्ता लगाउन गरेको प्रयास सफल भएन ।

केहि विदेशी वैज्ञानिकले यस कुण्डको गहिराई पत्ता लगाउन २ सय मिटरसम्म क्यामेरा पठाएका थिए । तर पनि यसको गहिराई पत्ता लगाउन सकेनन् । आजसम्म पनि वैज्ञानिकसँग यसको गहिराई र प्राकृतीक विपत्का बेला कुण्डको पानी बढ्नुको कारणबारे कुनै जवाफ छैन ।