काठमाडौँ – इङ्ग्लिश प्रिमियर लिग फुटबलमा आर्सनल एस्टनभिल्लासँग पराजित भएको छ ।
बुधबार बिहान भएको खेलमा रेलिगेशन जोनमा रहेको एस्टन भिल्लाले आर्सनललाई १-० गोल अन्तरले हराएको हो ।
भिल्लाको जीतमा ट्रेजेगुएट्सले खेलको २७औँ मिनेटमा गरेको गोल नै निर्णायक बन्यो।
जीतसँगै भिल्ला रेलिगेसन जोनबाट बाहिर आएको छ तर, अझै रेलिगेसनबाट बच्न उसले अन्तिम खेलको नतिजा कुर्नुपर्ने भएको छ ।
भिल्ला ३४ अंकसहित लिगमा १७औँ स्थानमा उक्लिएको छ । अब उसले अन्तिम खेलमा वेस्टह्यामको सामना गर्नेछ ।हारपछि आर्सनल भने ३७ खेलपछि ५३ अंकसहित लिगको १०औँ स्थानमा छ ।
प्रतिक्रिया