काठमाडौं- खाद्य व्यवस्था तथा ब्यापार कम्पनीले बाल्ट्रा कम्पनीको विद्युतीय चुल्हो बिक्री गर्न थालेको छ ।

उपभोक्ताको माग भएको हुँदा बाल्ट्रा कम्पनीको इन्फ्रारेड चुल्हो बिक्री गर्न लागेको खाद्य व्यवस्था तथा ब्यापार कम्पनीका महानिर्देशक नेत्र सुवेदीले बताए ।

यति बेला भारतीय कम्पनीको चुल्हो स्थानीय ब्यापारीसँग खरिद गरेर बिक्री गर्न लागेको उनले जानकारी दिए।

चुल्होको मूल्य ४ हजार रुपैयाँ रहेको छ । कम्पनीले यस अघि पनि ४ हजार रुपैयाँ पर्ने इन्डक्सन चुल्हो बिक्री गरेको थियो ।

कम्पनीले अनुदानमा आएको चुल्हो बिक्री भइसकेपछि बजारको अवस्था हेरेर चीनसँग आयात गर्ने तयारी गरिरहेको कम्पनीका नायव महाप्रबन्धक श्रीमणि खनालले बताए ।

भूकम्पकोपछि २०७२ मा चिनियाँ सरकारले नेपाललाई अनुदान दिएको चुल्होहरू कोरोना महामारी सुरु भएपछि बिक्री भएको थियो ।

यसैगरी कम्पनीले स्वदेशी ह्यान्ड स्यानिटाइजर समेत बिक्रीका लागि राखेको छ । जडिबुटी प्रशोधन कम्पनीले उत्पादन गरेको स्यानिटाइजर बिक्री गर्ने सम्झौता गरेको छ ।

यसैगरी कम्पनीले लकडाउन अवधिभरका लागि खाद्यान्नमा दिएको १० प्रतिशत छुटको अफर भने हटाएको छ ।