हिन्दू धर्मको मान्यता अनुसार औंसी तिथिको ठूलो महत्व हुन्छ । महिनाको एक पटक आउने यस तिथिलाई धार्मिक रुपमा महत्व दिइन्छ ।

सोहि अनुसार आज शुक्रबार परेको जेष्ठ कृष्ण औंसीका दिन केहि कामहरु गर्नुपर्ने धार्मिक मान्यता छ ।

१. यस पटक जेष्ठ कृष्ण औंसीका दिन गंगा स्नान गर्न सम्भव नभएकाले गंगाजलका केहि थोपा पानीमा मिसाएर भएपनि यस औंसीमा नुहाउनु पर्दछ ।

२. आजको दिन पितृको आत्मा शान्तिका लागी तर्पण एवं उपवास गर्नुपर्दछ ।

३. औंसीको दिन कुनै गरीब व्यक्तिलाई दानदक्षिणा दिनु अत्यन्त पुण्य मानिन्छ ।

४. यस तिथिमा राहु र केतुको उपासना गर्नु पनि विशेष फलदायी मानिन्छ ।

५. आजै शनि जयन्ती समेत परेकाले शनिदेव तिल, तेल र पुष्प आदि चढाएर पुजा गरी शनि चालीसा पाठ गर्नु फलदायि मानिन्छ ।

६. बिहान पिपलका बोट मुनि जल अर्पण गर्ने र साझँमा दियो बाल्नु पर्दछ ।

७. यस अलावा निर्धन व्यक्ति सहित ब्राह्मणलाई भोजन गराई यथाशक्ति वस्त्र र अन्न दान गर्नुपर्दछ ।

८. आज माछामासु, अण्डा तथा मदिरा लगायतका तामसिक चीजको सेवन गर्नुहुदैन ।

९. औंसीका दिन शारीरिक सम्बन्ध राख्नबाट बच्नु पर्दछ ।

१०. औंसीको दिन दिउँसो सुत्न बर्जित गरिएको छ ।