काठमाडौं-  नेकपा पार्टी स्थायी कमिटी बैठक बोलाउन माग गर्दै  २० जना स्थायी कमिटी सदस्यलेअध्यक्षद्वय केपी शर्मा ओली र प्रचण्डलाई पत्र बुझाएका छन् ।

सरकारले ल्याएको अध्यादेश र कोरोना संक्रमणको विषयमा गहन छलफल गर्नुपर्ने भएकाले बैठक बोलाउन माग गरेका हुन् ।

स्थायी कमिटीको बैठक पछि केन्द्रीय कमिटीको बैठकमा समेत यी विषयमा छलफल गरी विद्यमान चुनौतीको सामना गर्न सामूहिक निर्णय र संकल्प गर्न समेत उनीहरुले माग गरेका छन् ।

अध्यक्षद्वयलाई पत्र बुझाउने सदस्यहरुमा अष्टलक्ष्मी शाक्य, गणेश साह, गोकर्ण बिष्ट, चक्रपाणी खनाल, जनार्दन शर्मा, टोपबहादुर रायमाझी, देवप्रसाद गुरुङ, देवेन्द्र पौडेल, पम्फा भुसाल, बेदुराम भुसाल, भीमप्रसाद आचार्य, भीमबहादुर रावल, मणिचन्द्र थापा, मातृकाप्रसाद यादव, मुकुन्द न्यौपाने, युवराज ज्ञवाली, रघुजी पन्त, लिलामणी पोखरेल, सुरेन्द्रप्रसाद पाण्डे र हरिबोलप्रसाद गजुरेल रहेका छन् ।