काठमाडौं – नेपाली कांग्रेसले सरकारले ल्याएका अध्यादेशबारे छलफल गर्न केन्द्रीय समिति बैठक बोलाएको छ ।

कांग्रेस मुख्यसचिव कृष्णप्रसाद पौडेलका अनुसार आगामी वैशाख १७ गते दिउँसो १ बजे पार्टीको केन्द्रीय समिति बैठक बोलाइएको हो ।

आजमात्रै कांग्रेसका ११ जना युवानेताहरुले केन्द्रीय समिति बैठक बोलाउन माग गर्दै सामूहिक विज्ञप्ति जारी गरेका थिए ।

आजै कांग्रेसले संसदमा रहेका विपक्षी दलहरुको सामूहिक बैठक आह्वान गरेको थियो ।

बैठकले सरकारले जारी गरेका अध्यादेशहरु संविधानको मर्म विपरितको भएको भन्दै तत्काल फिर्ता लिन माग गर्ने निर्णय गरेको छ । त्यस्तै बैठकले सामाजिक दूरी कायम गर्ने व्यवस्थासहित संसद बैठक बोलाउन समेत माग गरेको छ ।