एजेन्सी- विश्वभर कोरोना भाइरसको त्रास छ । यो त्रासकाबीच बेलायतको अक्सफोर्ड विश्वविद्यालयले कोरोनाविरुद्धको खोप तयार गरी मानिसमा परीक्षण गर्ने भएपछि केही आशा पलाएको छ ।

बिहीबारबाट उक्त खोप मानिसमा परीक्षण गर्न लागिएको बेलायतका स्वास्थ्यमन्त्री म्याट ह्यानककले बताएका छन् ।

बुधबार आयोजित पत्रकार सम्मेलनमा उनले बिहीबारबाट खोप मानिसमा परीक्षण गर्न लागिएको जानकारी दिएका हुन् । स्वास्थ्यमन्त्री ह्यानककले खोप विकासका लागि दुई करोड पाउन्ड पैसा दिने घोषणासमेत गरेका छन् ।

अक्सफोर्ड विश्वविद्यालयमा बनेको खोप ८० प्रतिशतभन्दा बढी सफल हुनेमा वैज्ञानिकहरू आशावादी छन् ।

यसअघि चीनको सैन्य मेडिकल विद्यालय र अमेरिकी फर्मास्युटिकल कम्पनीले कोरोनाविरुद्धको खोप परीक्षण थालेका छन् ।