बीरगञ्ज – पर्साको वीरगञ्जका व्यापारीमा कोरोना भाइरस संक्रमण नभएको पुष्टि भएको छ ।

अस्पतालको रिपोर्ट अनुसार ६७ वर्षीय स्थानीय व्यापारी रुङ्गटामा कोरोना भाइरस संक्रमण नभएको पुष्टि भएको हो ।

यसअघि पारिवारिक स्रोतले पहिलो रिपोर्टमा कोरोनाको संक्रमण देखिएको बताए पनि अस्पतालको रिपोर्ट अनुसार उनीमा कोरोनाको संक्रमण नभएको पुष्टि भएको हो ।

केही दिन यता ज्वरो तथा रुघा खाेकी लागेका उनी उपचारका लागि पटना अस्पताल पुगेका थिए । मेडिकल कलेजमा गरिएको स्वाव परीक्षणका क्रममा कोरोना भाइरसको संक्रमण नेगेटिभ देखिएको हो । हाल उनी पटना अस्पतालमै उपचाररत छन् ।

उनी केहीदिनअघि मात्रै दुबईबाट आएका थिए । दुबईबाट आएलगत्तै उनलाई ज्वरो आउने र खोकी लाग्न शुरु भएको थियो ।

व्यापारिक कामको सिलसिलामा उनी दुबई पुगेका थिए । दुबईबाट फर्किएपछि उनलाई ज्वरो तथा रुघाखोकी देखिएपछि कोरोनाको आशंका गरिएको थियो ।