काठमाडौं – नेपाल तेक्वान्दो संघको केन्द्रदेखि प्रदेश र जिल्लाका कार्यालय बन्द गर्ने जनाएको छ ।

आइतबार विज्ञप्ति जारी गर्दै संघले ललितपुरस्थिगत केन्द्रीय कार्यालय चैत ९ गतेदेखि २२ गतेसम्म बन्द रहने जानकारी दिएको हो ।

यस्तै, प्रदेश, जिल्लाहरु पनि २२ गतेसम्मका लागि बन्द हुने जनाइएको छ । नोबेल कोरोना भाइरस (कोभिड १९) का कारण सरकारले आइतबारदेखि २२ गतेसम्म संघ संस्थाहरु बन्द गर्ने निर्णय गरेको थियो ।

यसै अनुसार तेक्वान्दो संघले आफ्ना सबै कार्यालय बन्द गर्न लागेको हो । संघले विभिन्न डोजाङलाई तालिम पनि बन्द गर्न आग्रह गरेको छ ।

अहिलेसम्म नेपालमा कोरोना भाइरस भएको पुष्टी हुन सकेको छैन । तर, विश्वभर ११ हजार भन्दा बढी मानिसहरुको मृत्यु भइसकेको छ ।