काठमाडौं – कोभिड-१९ को प्रभावका कारण फिल्म ‘के घर के डेरा’ले छायांकन स्थगित गरिएको छ । फिल्मले सामान्य अवस्था नभएसम्म छायांकन स्थगित गरिएको हो ।

चलचित्रका कार्यकारी निर्माता ताक्पा तामाङ (सिंगे लामा) ले स्वास्थ्य पहिलो भएको भन्दै छायांकन स्थगित गरिएको जानकारी दिए । ‘हाम्रो स्वास्थ्य पहिलो प्राथमिकता हो, हामी रहे चलचित्र बनाउँदै गरौँला’, उनले भने ।

साथै फिल्म टिमले कोरोना भाइरस (कोभिड-१९) फैलिन नदिन शतर्कता अपनाउन सम्पूर्ण नेपालीमा अपील गरेको छ । ‘आफू पनि बचौँ र अरुलाई पनि बचाऔँ भन्दै हामीले चलचित्र छायांकन सारेका हौँ’, निर्देशक सुब्रतराज आचार्यले भने ।

फिल्ममा दयाहाङ राई र विपिन कार्की र वर्षा राउतको पनि अभिनय रहने जनाइएको छ । चलचित्रमा लुनिभा तुलाधर, रविन्द्र झा, आर्सिना भट्टराईलगायत कलाकारको पनि अभिनय रहनेछ ।

के घर के डेरा’ मा राजिव श्रेष्ठ र किरण महर्जन निर्माताको रुपमा रहनेछन् भने ताक्पा तामाङ (सिंगे लामा) कार्यकारी निर्मातामा छन् ।

काठमाडौंमा कोठा भाडामा लिएर बस्नेहरुको कथामा यो फिल्म आधारित छ ।