काठमाडौं –  चीन र इटालीपछि अमेरिकामा सबै भन्दा बढी कोरोना संक्रमण देखिएको छ ।

संक्रमण नियन्त्रणउन्मुख रहेको चीनमा ८० हजार ५४ जनामा कोरोना भाइरसको संक्रमण देखिएको छ ।

यस्तै हाल महामारीको रुप लिइरहेको इटालीमा ५३ हजार ५७८ जनामा संक्रमण देखिएको छ ।

अमेरिकामा २६ हजार ८ सय ७८ जनामा संक्रमण देखिएको छ । थप २६ सय ७१ जनामा संक्रमण देखिएकाले संक्रमित हुनेको संख्या २६ हजार नाघेको हो ।

कोरोनाबाट मृत्यु हुनेको संख्या ३ सय ४८ पुगेको छ । शनिबार राति थप ४६ जनाको मृत्यु भएपछि मृतकको संख्या ३ सय ४८ पुगेको हो ।

उपचारारतमध्ये ७ सय ८ जनाको अवस्था गम्भीर रहेको अमेरिकी स्वास्थ्य अधिकारीहरुले जनाएका छन् । अहिलेसम्म १ सय ८२ जना ठीक भएर घर फर्किएका छन् ।

अमेरिकाका सबै राज्यमा कोरोनाको संक्रमण देखिएपछि त्यहाँ राष्ट्रिय संकटकाल घोषणा गरिएको छ भने अन्तर्राष्ट्रिय हवाई उडानहरु कटौती गरिसकिएको छ ।