काठमाडौं– प्रधानमन्त्री केपी शर्मा ओलीको पुस्तक ‘भिजन टू एक्सन’ सार्वजनिक भएको छ ।

शनिवार प्रधानमन्त्री निवास बालुवाटारमा आयोजित एक कार्यक्रमकाबीच उनको पुस्तक ‘भिजन टू एक्सन’ सार्वजनिक भएको हो ।

शताब्दी पुरुषद्वय सत्यमोहन जोशी र माधव प्रसाद घिमिरेले प्रधानमन्त्री ओलीको पुस्तक ‘भिजन टू एक्सन’ लोकार्पण गरे ।

पुस्तकमा समृद्ध नेपाल निर्माणको भिजन र सो कामका लागि गरिएको प्रयाशहरु समेटिएको छ । २४० पृष्ठ रहेको पुस्तकमा प्रधानमन्त्री ओलीका सम्बोधनहरु पनि संग्रहित छन् ।

प्रधानमन्त्रीको जन्मदिनको अवसर पारेर पुस्तक लोकार्पण गर्न तयारी भएको भएपनि ओली जन्मदिन मनाउन जन्मघर तेह्रथुमको आठराईस्थित इवा तीनसल्ले जान लागेकापछि त्यसअघि नै पुस्तक लोकार्पण गरिएको हो ।

प्रधानमन्त्रीको जन्मदिन फागुन ११ गते हो ।