अधिकाशं होटल तथा नाइट क्लबमा पप तथा रिमिक्स गीतहरुको बोलबाला छ ।

नाइट क्लब जानेहरु मदिरा तथा धुम्रपानको नशामा यस्तै गीतमा रम्ने र नाच्ने गर्दछन् ।

नेपालका केहि होटल वा क्लबमा भने दोहोरी समेत बज्ने गर्दछ । तर कुनै नाइट क्लबमा संस्कृत भाषाको गीत बज्दछ भन्दा पत्याउन ग्राहो होला ।

किनकी आजकल संस्कृत भाषाका गीत अत्यन्त कम मात्रामा पाइन्छ । पाएका गीत पनि भजन वा कुनै मन्त्र मात्र हुने गर्दछन् । तर विश्वमा एक यस्तो नाइट क्लब छ, जहाँ संस्कृत भाषामा गीत गाइन्छ ।

संस्कृत भाषाका गीत घन्काइने नाइट क्लब भनेपछि सायद तपाईंले नेपाल वा भारतको कुनै स्थानको क्लब होला भन्ने सोच्नु भयो होला । तर होइन, सस्कृत भाषाको गीत घन्काइने नाइट क्लब दक्षिण अमेरीकी मुलुक अर्जेन्टिनामा छ ।

अर्जेन्टिनाको ब्युनर्स आयर्समा रहेको ग्रोभ नामक नाइट क्लबमा अंग्रेजी रक वा पप गीतहरूको सट्टामा संस्कृतका गीत तथा भजनहरू बजाइन्छ । र क्लब पुग्ने ग्राहक तिनै गीतमा खुब आनन्द लिने गर्दछन् । संस्कृत भाषाका गीतमा तन्नेरीहरू रमाइलो मान्दछन् । अझ रोचक कुरो त के छ भने उक्त नाइट क्लबमा दैनिक ८ सयभन्दा धेरै ग्राहकहरू पुग्ने गर्दछन् ।

तर उक्त नाइट क्लबमा मद्यपान वा धुम्रपान गर्न निषेध छ । त्यहाँ माछामासु समेत खान पाइदैन । ग्राहकले क्लबले तय गरेको नियमलाई पालना गर्दै केवल सफ्ट ड्रिंक्स, जुस तथा शाकाहारी खाना मात्र खानु पर्ने हुन्छ ।