विराटनगर- विराटनगरस्थित नोना कोइराला स्मृति प्रतिस्ठानको भवन निर्माणका लागि जापान सरकारले सहयोग गरेको छ ।

प्रतिस्ठानको भवन निर्माणका लागि आज जापान र नेपालबीच सम्झौता भएको छ ।

सम्झौतापत्रमा नेपालका लागी जापानीज राजदुत साईगो मसमिची र प्रतिष्ठानका अध्यक्ष डा.नारायण कुमारले हस्ताक्षर गरेका छन् ।

सहयोग सम्झौता हस्ताक्षर कार्यक्रममा सहभागी प्रतिष्ठानका संरक्षक कांग्रेस नेता डा.शेखर कोइरालाले नेपालको लोकतन्त्र र विकासमा जापानले पुर्‍याएको सहयोगको प्रशंसा गरे ।

सम्झौता हस्ताक्षर कार्यक्रममा पुनम कोइराला, कांग्रेस प्रदेश नं-१ का प्रमुख सचेतक केदार कार्की, विराटनगर महानगरका मेयर भीम पराजुली, डा.ममता कायस्थ नेहा कोइरालालगायतको उपस्थिति थियो ।

आधारभुत स्वास्थ्य सम्बन्धी प्रशिक्षण तथा आकस्मिक आवास प्रयोजनका लागी निर्माण गरिने प्रतिष्ठानको अत्याधुनिक भवनका लागि जापान सरकारले एक करोड २१ लाख सहयोग गरेको छ।