काठमाडौं – नेपालमा हुने त्रिकोणात्मक शृङ्खलाका लागि ओमानको राष्ट्रिय क्रिकेट टोलीको घोषणा भएको छ ।

ओमानले माघ २२ देखि २९ सम्म काठमाडौंमा हुने आईसीसी विश्वकप लिग २ अन्तरगतको त्रिकोणात्मक शृङ्खला खेल्ने टोलीको घोषणा गरेको हो ।

यी खेल ३६ वटा एकदिवसिय खेल अन्तरगतकै हुन् । जसमा ओमानले नेपालसहित अमेरिका, युएई, स्कटल्याण्ड, पपुवा न्युगिनी र नामिबीया रहेका छन् ।

यी टोलीबीच अप्रिल २०१९ मा एकदिवसिय मान्यता पाएका टोलीहरुको यो अबधी ३० महिना बाँकी रहेको छ । अहिलेसम्म ओमानले ८ खेलबाट ८ अंक जोडेको छ ।

नेपाल, ओमान र अमेरिकाले खेल्ने शृङ्खलाका लागि ओमानले जेसहन मक्सदको कप्तानीमा १८ सदस्यीय टोलीको घोषणा गरेको हो । ओमानको टोलीमा यसअघिकै खेलाडीले निरन्तरता पाएका छन् ।

कप्तानमा म्याक्सुडसहित उपकप्तान अकिव इल्यास, जतिन्दर सिंह, खवार अलि, सनुथ इब्राहिम, सुरज कुमार, मुहम्मद नासिम छन् ।

यस्तै, सन्दीप गौड, मुहम्मद नदेम, जय ओदेद्रा, बाडाल सिंह, अहमद फियाज बुट्टी, कलेमुल्लाह, बिलाल खान रहेका छन् ।

यस्तै, ओमान टिमको वैकल्पीक खेलाडीको सूचिमा अमिर खलेम, कुराम नवाज खान, गोपीन्दर बोहरा, अजय लालचेता छन् ।