काठमाडौं – ईङ्लिस प्रिमियर लिग फुटबलमा म्यान्चेष्टर सिटीले सेफिल्ड युनाईटेडबिरुद्ध १ – ० को जित निकालेको छ ।

मंगलबार राति भएको खेलमा सिटीको जीतमा सर्जियो अग्युरोले खेलको ७३ औं मिनेटमा गरेको गोल नै निर्णायक बन्यो । लिगमा अग्युरोले सिटीका लागि पछिल्ला तीन खेलमा गरेको यो छैठौं गोल हो ।

घरेलु समर्थकको साथ पाएको सेफिल्डले पहिलो हाफमा सिटीका तर्फबाट ब्राजिलियन खेलाडी ग्याब्रियल जिससले गरेको पेनाल्टी प्रहार ‍रोकेको थियो । तर दोस्रो हाफमा बैकल्पिक खेलाडीका रुपमा प्रवेश गरेका अग्युरोले गोल गर्दै सिटीको जित सुनिश्चित गरे ।

जितपछि सिटी शीर्ष स्थानको लिपरपुलसँग अंक दूरी ३ अंकले घटाएको छ । शीर्ष स्थानको लिभरपुलले सिटी भन्दा २ खेल कम खेल्दै ६४ अंक बनाएको छ भने दोस्रो स्थानमा उक्लिएको सिटीले २४ खेलबाट ५१ अंक जोडेको छ ।